Armina Mevlani ka qenë shpesh në qendër të kritikave për jetën e saj luksoze, udhëtimet e shumta dhe veshjet me çmime marramendëse. Ndonëse ajo ka përsëritur shpesh se veshjet e firmave janë dhurata prej tyre për shkak të punës si blogger-e, ish-Miss Shqipëria është akuzuar sërish. Në një foto të pak javëve më parë, Armina ka tërhequr vëmendjen me një kombinim të guximshëm. Ajo kishte veshur një bust të bardhë, xhup lëkure dhe këpucë me takë, por ato që tërhiqnin më shumë vëmendjen ishin pantallonat Gucci per vrap , të cilat kushtojnë 1400 paund, e thënë ndryshe 1600 euro. Duhet thënë që tendenca e këtyre pantallonave, ka pushtuar tashmë edhe VIP-at ndërkombëtare dhe Kim Kardashian është ndër personazhet që është parë veshur me to.