Disa javë më parë, Eri Aga, u përjashtua nga “Për’puthen”, për shkak të një përplasje fizike që pati me një tjetër ish-konkurrent, Dorin. Gjithçka nisi menjëherë gjatë hyrjes së Dorit në emision, teksa ai u prit jo shumë ngrohtë nga konkurrentët e programit. Dy djemtë u kapën fillimisht me fjalë dhe jashtë studios situata precipitoi në dhunë fizike, ndërsa pamjet u publikuan në emision.

Për këtë arsye produksioni i “Për’puthen” mori një vendim drastik ndaj dy djemve. Si Eri, po ashtu edhe Dori, që kishte vetëm një ditë pjesë e programit, u përjashtuan përfundimisht nga “Për’puthen”.

Pas këtij vendimi, Ledjana shpërtheu në lot jashtë programit, duke u shprehur se ishte ajo fajtore që Eri reagoi aq keq. Para sherrit me Dorin, Eri pati një debat me Ledjanën, sepse ajo u ngrit dhe kërceu në studio me Mevlanin ditën e takimit me Erin.

Ndërkohë duket se para përjashtimit ky i fundit ka dashur të zhvillojë një takim të veçantë me Ledjanën. Mbrëmjen e sotme Eri ka zbuluar se i ka kërkuar produksionit të bëjë një takim me helikopter, por ata nuk e kanë lejuar, duke i thënë se do marrë shumë vëmendje. Ndërkohë Eri ka mësuar se ky takim është zhvilluar, ndërsa atij nuk ju lejua. Kështu ish-konkurrenti ka paralajmëruar se nëse takimi me helikopter do të transmetohet ai do të demaskojë gjithë emisionin.

“Kam marr vesh që do bëhet takimi me helikopter, që mua s’ma lejuan ta bëj takimin me helikopter për shkak se s’donin që të merrja vëmendje, nëse del takimi nesër me helikopter unë do t’ju demaskoj komplet emisionin. Kaq po ju them. Të ma dini për nder se po ju paralajmëroj”, shkruan Eri.

Ndërkohë opinionisti i “Për’puthen Prime”, Meridian Ramçaj, ka zbuluar se Erit i është ndaluar takimi me Ledjanën, por arsyet pse nuk dihen ende. Tashmë mbetet të shohim se ç’do të ndodhë ditën e nesërme në takimin që Ledjana do të zhvillojë me Mevlanin.

Burimi:iconstyle