Alketa Vejsiu nuk shkëlqeu vetëm falë elokuencës, energjisë, italishtes së përsosur apo veshjeve mbrëmjen e 6 shkurtit në Sanremo, pasi jo pak ja shtuan asaj shkëlqimin, edhe bizhuteritë me cilat moderatorja shqiptare kishte plotësuar dy ‘outfit-et’ e mbrëmjes.

Siç është thënë edhe më herët, Vejsiu veshi dy fustane; i pari një fustan stil princeshe nga marka italiane Dolce & Gabbana të cilin e kishte plotësuar me një palë vathë të markës prestigjioze italiane, Damiani, ekskluzivitet në Shqipëri i Kastrati Jewellery, ndërsa për veshjen e dytë, për Alketën ishte kujdesur stilisti nga Kosova Valdrin Sahiti.

Sa i përket të gjitha bizhuterive me të cilat Alketa ka plotësuar të dyja veshjet në Sanremo janë; Veshja e parë: Vathë në ar të bardhë dhe gurë ‘acquamarina’ nga Shirodara ndërsa unaza është Belle Epoque Masterpiece, shkruan gazetashqip.

Për të patur më të qartë vlerën (jo vetëm monetare) të këtyre bizhuterive të cilat janë punuar në mënyrë artizanale, më poshtë ju paraqesim listën e vlerë së çdo aksesori me të cilat Vejsiu shkëlqeu mbrëmë në Festivalin e Këngës italiane.

Varesja Masterpiece Boçiolo
88.000€

Byzylyku Masterpiece Boçiolo
25.000€

Vathët Marrakech
85,000€
Unaza Belle Epoque Masterpiece
22.500€

Nëse bëjmë një përllogaritje të thjeshtë, të gjitha bizhutë e Alketës kapin shifrën prej 220. 500 Euro.