Nëse kërkon që të kesh një marrëdhënie gjatë këtij viti dhe ajo të jetë dinamike, pse nuk mendon për të krijuar një “listë” me gjërat që nuk duhet të bësh? Mbi të gjitha, sepse Viti i Ri është gjithmonë një kohë e mirë për qëllime të mira. Dhe nëse do që t’i ndjekësh, shiko me kujdes ҫfarë nuk duhet të bësh. Ja cilat janë gabimet që duhet të shmangësh në 2019-ën!

Pret gjithmonë që djemtë të bëjnë lëvizjen e parë. Nëse do që të njohësh dikë, duhet të angazhohesh seriozisht. Diҫka e thjeshtë si një buzëqeshje apo një flirt me sy, funksionon gjithmonë.

Jeton me të kaluarën. Lëre veten të harrosh dështimet e së shkuarës, marrëdhëniet, zhgënjimet apo gabimet. Futi në një “valixhe” dhe jepi vetes mundësi për të provuar eksperienca dhe njerëz të rinj.

Humb kohë me djem që nuk janë për ty. Në letra, mund të jetë i mirë, por nëse mes jush nuk ka shkëndijë, atëherë është e kotë të humbasësh kohë. Dërgoji një sms dhe… next!

Fsheh atë që je në të vërtetë. Mund të duash të jesh "cool girl", që nuk do t’ia dijë nëse takon nga një djalë ҫdo fundjavë. Por nëse ai nuk të jep mundësi për të krijuar diҫka më shumë, thuaja. Të qenit e hapur është zgjidhje për një marrëdhënie të sigurt.

Shqetësohesh gjithmonë për mendimin e shoqeve. Mos lejo që mendimi i shoqeve për partnerin, personalitetin, look-un apo gjithҫka tjetër të influencojë tek ty dhe të marrësh vendime të nxituara. Dëgjoji këshillat e tyre, por beso më shumë në ndjenjat tuaja të përbashkëta.

Limiton veten në një tip. Mos e përdor më shprehjen “nuk është tipi im”, sa herë është fjala për lidhje të reja. Ji më mendjehapur.

Pret mesazhin apo telefonatën e tij. Mjaft prite që mesazhi i tij të të zgjojë nga gjumi. Fillo e para.

Gjithmonë kthehesh pas tek ish-i. Nuk funksionon për asnjë arsye. Në vend që të shpenzosh kohën me ish-n, rezisto pa i dërguar mesazh, pa komunikuar në Fb dhe pa u takuar kur e ndjen veten vetëm.

Përfshin edhe të tjerët në marrëdhënien tënde. E pyet veten pse i dashuri nuk e ka blerë akoma dhuratën e ditëlindjes? Pse disa shoqe të tuat janë fejuar dhe ti akoma jo? Thjesht shqetësohu për gjërat dhe nevojat e tua, pa përfshirë njerëz të tjerë dhe shqetësime të tjera, sipas class. Komuniko me partnerin për gjithҫka ke nevojë.

E konsideron lidhjen të garantuar. Lëre veten të dashurojë dhe të dashurohet, ji romantike për aq kohë sa është e thënë të zgjasë. Tregoju njerëzve më të afërt që ju duheni, por mos e konsidero asgjë si të përjetshme.