Eleni Foureira u vlerësua me çmimin e dytë në Festivalin Evropian, dhe ky ishte fillimi i një suksesi të garantuar. Kënga e saj “Fuego” bëri namin duke bërë që Eleni të firmosë një kontratë me labelin e njohur muzikor “Sony”. Pas këtyre arritjeve të mëdha, këngëtarja me origjinë shqiptare që përfaqësoi Qipron në “Eurovision” ka nisur koncertet në vende të ndryshme të Europës.

Ndërkohë që Presidenti i Qipros e ka ftuar Elenin në Pallatin Presidencial në shenjë përgëzimi për atë çfarë ajo realizoi në Eurovizion.

"E ndjeja të nevojshme t'ju takoja nga afër për t'ju përgëzuar,” - u shpreh Anastasiades, por ky takim nuk u mbyll me kaq.

Në foton e publikuar, Presidenti qipriot është duke parë të pasmet e këngëtares në çastin, kur ajo është kthyer për të takuar personat e tjerë në takim. Kaq ka mjaftuar, që kjo foto të kthehet në virale dhe shumë të komentuar në mediat greke dhe jo vetëm.