Rita Ora siç duket e ka hedhur prapa krahëve ndarjen nga Andrew Watt dhe tashmë del publikisht me të dashurin e ri. Nën atmosferën festive, Rita ka dalë shëtitje me partnerin e saj, Andrew Garfield në Primrose Hill, Londër.

Spekulimet për lidhjen romantike të Ritës me yllin e filmit Spider-Man nisën muajin e kaluar, rreth tre muaj pas ndarjes së saj nga i dashuri, Andrew Watt. Muajin e kaluar, një burim tha për “The Sun”, se të dy ishin në fillim të historisë së tyre, duke shtuar se nuk janë të sigurt për këtë marrëdhënie. Rita dhe Andrew takohen rrallë për shkak të agjendës së zënë.

Duket se të dy kanë anuluar çdo gjë për të qenë bashkë në festat e fundvitit për të shijuar dashurinë.