Bashkimi dhe Alvisa mbyllën pak javë më parë rrugëtimin e tyre në “Përputhen”. Dyshja dolën çift nga programi, për të vazhduar jashtë historinë e dashurisë. Ata i surprizuan të gjithë para disa ditësh kur thanë se në 2022 janë gati të bëhen prindër. Ndërsa të ftuar në "Pardon Mu French", ata treguan si po i kalojnë këto ditë, zbuluan detaje nga marrëdhënia e tyre si dhe treguan planet për të ardhmen. 

Mirëpo, sot janë bërë kryefjalë e mediave rozë pas intervistës së tyre në "Shqipëria live". Ata thanë se nuk e quajnë veten "çift" dhe se janë në njohje e sipër.

Alvisa: Ne jemi në njohje e sipër.

Bashkimi: Nuk më pëlqejnë epitetet, po e njoh këtë vajzë. Epitetet kanë përgjegjësi.

Alvisa: Çift quhemi kur marrëdhënia të thellohet. Se ne nuk e njohim njëri-tjetrin aq mirë.

Një tjetër deklaratë e papritur ishte edhe ajo e Alvisës e cila tha se nuk i pëlqen Amerika pasi i duket shumë larg nga çdo gjë ka ndërtuar në Shqipëri. Kujtojmë se Bashkimi jeton në SHBA dhe nuk dihet se çfarë do vendosin ata për të ardhmen.