Sezoni i ri ka nisur dhe nëse dëshironi që të jeni sa më IN, duhet të shihni programet e IN Tv. Sezoni i ri në IN Tv vjen me shumë risi, emisione dhe shumë projekte të reja i janë shtuar programacionit dhe do t’ju shoqërojnë gjatë gjithë ditës. Përveç intervaleve muzikore dhe serialeve të suksesshme njihuni me emisionet që do të nisin në këtë sezon të ri në ekranin më të dashur për ju, IN Tv. Por surprizat s’kanë përfunduar ende pasi këto nuk janë emisionet e vetme që do të transmetohen në IN Tv. .

Fun Day

Rikthehet sot emisioni juaj i preferuar, çdo ditë nga ora 15:00 deri në 17:00 nga e hëna në të premte, me Fatmën. Nuk do të mungojnë insertet me më të rejat nga Showbiz, Magazine, Fashion, por sigurisht që as të ftuarit e shumtë. Mirëpo ajo që do të jetë më IN këtë sezon do të jetë paneli me të ftuar çdo të premte, të ftuar këta të cilët do të jenë gazetarë të rinjt të mediave të ndryshme.

Geek Room

Vjen në sezonin e tij të 3-të nga pra 17:00 deri në 18:00 çdo të enjte. Është një nga emisioniet që do të ketë shumë surpriza dhe surpriza e parë është fakti që do ketë dy prezantues dhe jo një. Do të ketë më shumë game-ing, intervista, risi të shumta nga teknologjia. Por një tjetër orar po të enjten në mesnate për 1 orë në orën 01:00 do të jetë vetëm me “Game”.

Adrenalina

Hmmm “Adrenalina” e kaluar nuk ishte një sezon i plotë, kështu që sot starton i plotë. Çdo të mërkurë nga pra 17:00 deri në 18:00 do të ndiqni këtë emision dedikuar sportit. Një pjesë e rëndësishme e emisionit u kushtohet sporteve më të ndjekura (kampionatet dhe kupat evropiane), por jo vetëm. Do të ketë edhe reportazhe, intervista me personazhe nga bota e sportit, ekskluzive vetëm për ju. Por siç thotë shprehja popullore, “ëmbëlsira për në fund” pasi dy personazhe VIP do të sfidojnë njëri-tjetrin në lojëra të ndryshe, por edhe do të flasin për jetën e tyre profesionale dhe personale....Na ndiqni!

Pipi Pip

Për herë të parë në IN Tv do të startojë emisioni “Pipi Pip” i dedikuar krejtësisht fëmijëve, emision ky që do të shoqërojë vogëlushët nga ora 09:00 deri në orën 10:00. Pjesë e emisionit do të jetë vetëm fëmijët të cilët do të argëtohen me lojëra të ndryshme, por edhe duke zbuluar talentet që ata kanë. Çdo të shtunë dhe të dielë nga ora 07:00-09:00 do të jetë orari i filmave për fëmijë.