Pas dorëheqjes së Ministrit të Brendshëm Fatmir Xhafaj, Rama ka bërë me dije edhe emrin e ministit të ri që do të jetë në krye të institucionit shumë të rëndësishëm.

Rama ja ka besuar Ministrinë e Brendshme, gjeneral Sandër Lleshit, i cili prej vitit 2010 ka mbajtur postin e zv.shefit të Shtabit të Përgjithshëm të Forcave të Armatosura të Shqipërisë.

"Pranova dorëheqjen e ministrit Xhafaj, të cilin e falenderoj për kontributin e çmuar. Gjeneral Sandër Lleshi do të sjellë një energji të re pozitive në krye të Punëve të Brendshme.Traseja është e shtruar. Tani duhet rritur shpejtësia dhe duhen arritur rezultate edhe më domethënëse", shkruan Rama në statusin e tij në Twitter.