Është një nga këngëtaret e skenës muzikore shqiptare që ka tentuar ndër vite të mbajë median dhe publikun larg nga jeta e saj private.

Kështu ka vepruar edhe me lidhjen, martesën e edhe ardhjen në jetë të djalit të saj, Mal.

Por mbylljen “hermetike” ka vendosur ta thyejë kësaj radhe pasi ka publikuar një fotografi krah bashkëshortit të saj, Albertit.

Në një intervistë të dhënë ditë më parë këngëtarja foli dhe tregoi pse mbajti bashkëshortin dhe djalin larg syrit të publikut.

“Unë nuk kam dashur ta bëj publike lidhjen me Albertin para, sepse nuk kam dashur te merren mediat me mua ose thjesht me jetën e Albertit sepse nëse unë jam artiste dhe fytyrë publike, Alberti ka një profesion tjetër edhe ai nuk duhet tash ta vuajë këtë pjesën time dhe të merren mediat me të”, ka thënë Shkurta.