Borussia Dortmund nuk ka shkuar përtej barazimit 1-1 kundër Augsburg  në ndeshjet e javës së 16 të Bundesligës gjermane. Borusia e Dortmundit për të tretën herë radhazi miqtë kaluan të parët në avantazh në minutën e 33-të, por Dembele arriti të shpëtonte një pikë për verdhezinjtë në minutën e 47.

Eintracht Frankfurt mposhti pastër 3-0 skuadrën e Mainzit, ndërsa Schalke 04 gaboi në transfertën e Hamburgut, duke u mposhtur 2-1 nga vendasit. Sulmuesi i përfaqësueses së Kosovës, Donis Avdijaj, arriti të realizojë golin e tij të parë në Bundësligë me fanelën e Shalkes. Edhe pse u aktivizua vetëm në minutën e 69, ai ngushtoi diferencën me golin mjaft të bukur të realizuar në minutën e 89. Edhe Monchengladbach hodhi një hap të gabuar këtë javë në kampionat, duke u mposhtur në shtëpi 1-2 nga Wolfsburg.