Dortmundi ka mposhtur Bayernin në gjysmëfinale të Kupës së Gjermanisë me rezultat 3-2, duke u kualifikuar në finale. Do të jetë Borussia Dortmund – Entracht i Frankfurtit finalja e Kupës së Gjermanisë që do të zhvillohet më 27 maj

Barcelona “u dëfrye” në fitoren 7-1 ndaj Osasunës dhe tifozët me fat në “Camp Nou”, shijuan festivalin e golave të formacionit katalanas në La Liga. Ndërsa Reali i Madridit ka lënë pas krahëve humbjen në "El Classico" dhe është rikthyer te fitorja në kampionat. Madrilenët kanë arritur të fitojnë me rezultatin tenistik 2-6, ndaj Deportivo La Coruna, duke iu kundërpërgjigjur edhe fitores së thellë të Barcelonës. Lumë golash dhe në sfidën e “Mestalla” mes Valencias dhe Real Sociedadit, ku baskët fituan 2-3.

Tottenhami ka shënuar edhe një fitore në Premier Ligë duke vazhduar ndjekjen e Chelsea në garën për titull kampioni. Ekipi i Mauricio Pochettinos fitoi ngushtë 0 me 1 fal një goli të Christian Eriksenit ndaj Crystal Palacet. Tottenhami ka 74 pikë në tabelë, katër më pak se Chelsea që prin teksa deri në fund kanë mbetur edhe pesë ndeshje. Arsenali ka mposhtur me vështirësi kampionin Leicester City 1-0 duke mbajtur gjallë shpresat për kualifikim në Ligën e Kampionëve.