Pjesa më e madhe e kutive janë numëruar në qarqet e mbetura.

Në qarkun e Elbasanit, nga votat e numëruara kryeson PS e ndjekur nga Partia Demokratike. Në bazë të rezultatit që prodhojnë 479 nga 591 kutitë e numëruara, Partia Socialiste udhëheq deri më tani Qarkun me 63546 vota ose 7 mandate, e ndjekur nga PD me 28913 vota ose 3 mandate. Interesant është fakti i “luftës” që zhvillohet mes LSI dhe PDIU për vendin e tretë, ç’ka mund të konsiderohet si surpriza e këtyre zgjedhjeve për Qarkun pasi nga të dhënat paraprake dy këto parti kanë arritur të sigurojnë momentalisht 2 mandate. Respektivisht LSI ka 14.68% të votave, ndërsa PDIU 17.80%.

Në qarkun e Durrësit, nga 397 kutitë e numëruara nga 460 kuti që janë në total, kryeson Partia Socialiste e ndjekur nga PD dhe LSI. Partia Socialiste ka marrë 63048 vota ose 8 mandate, PD ka marrë 34197 vota ose 4 mandate, ndërsa LSI ka 19928 vota ose 2 mandate. Nga rezultatet paraprake të numërimit rezulton se kreu i PAA-së, Agron Duka, i renditur i pesti në listën e Partisë Demokratike në këtë Qark, rrezikon të mos jetë pjesë e Parlamentit të ardhshëm.

Në qarkun e Lezhës i cili prodhon 7 mandate deputetësh deri më tani janë numëruar 255 nga 263 kuti votimi. Mbi bazë të këtij numërimi PS udhëheq me 29407 vota ose 3 mandate, e ndjekur nga PD me 26543 vota ose 3 mandate, LSI me 10952 vota ose 1 mandat, dhe PDIU me 1961 vota ose 0 mandate.

Në qarkun e Beratit i cili prodhon 7 mandate deputetësh deri më tani janë numëruar 282 nga 305 kuti votimi. Në bazë të këtij numërimi rezulton PS e para me 41580 vota ose 4 mandate, e ndjekur nga LSI me 18084 vota ose 2 mandate, dhe PD me 15010 vota ose 1 mandat.