Ministri i Energjetikës, Damian Gjiknuri, i shoqëruar nga administratori i Operatorit të Shpërndarjes, Adrian Ccela, gjatë një takimi me abomentët ka konfirmuar se në muajin dhjetor qeveria do të nisë faljen e kamatëvonesave të dritave. Kategoritë që përfitojnë janë pensionistët kryefamiljarë, personat me ndihmë ekonomike dhe me status të veccantë të invaliditetit që kanë lidhur aktmarrëveshje lehtësuese me OSHEE-në.

Kusht për përfitimin e faljes së kamatëvonesës është pagesa e rregullt e kësteve për debinë e energjisë së krijuar para nëntorit të 2015. Për të gjithë këta kategori që respektojnë aktmarrëveshjen e lidhur me OSHEE-në, në dhjetor të 2016 do t’u falen kamatëvonesat e dritave kundrejt pagesës simbolike prej 100 lekësh.

 “Ju garantoj se në fund të vitit do të keni lajme shumë të mira në këtë drejtim. Të gjithë qytetarët e rregullt që iu bashkuan kësaj reforme kontribuuan e ne ju kemi një borxh. Do t’jua kthejmë këtë borxh duke ju bërë lehtësira të tjera financiare. Pse? Kush është i rregullt shteti e shikon. Kontribuon në shtet dhe do të marrësh diçka mbrapsht”, tha Gjiknuri. Në total, vlera e kamatëvonesave të falura do të jetë 9 miliardë lekë.

Administratori i OSHEE-së, Ardian Çela, shpjegoi se përfitues do të jenë ato abonentë që kanë respektuar aktmarrëveshjen, ndërsa reduktimi i kamatës do të jetë kundrejt një vlere simbolike. Çela sqaroi se përfitues do të jenë abonentët për kategorinë e familjeve me ndihmë ekonomike, invaliditetit dhe pensionistët kryefamiljarë, të cilët kanë qenë të rregullt me pagesën e energjisë elektrike e të kamatëvonesave në aktmarrëveshje, të ketë një reduktime dhe të mëtejshme.

“Ndoshta edhe një pagesë simbolike dhe zerim të kamatëvonesës. Këshilli Mbikëqyrës dhe Asambleja janë duke i parë, duke bërë llogaritë përkatëse dhe brenda dhjetorit do të dilet me një propozim të ri, që besoj do të jetë një ndihmë për familjet tuaja”, theksoi Çela.