Dy shqiptarët, Eduart Biba, 33 vjeç dhe Adriatik Manjani, 27 vjeç, janë vënë në prangat e policisë italiane të akuzuar për një sërë vjedhjesh.

Ata u arrestuan ditën e djeshme nga policia e Savona dhe pas hetimeve të vazhdueshme,  dy të rinjtë shihen të implikuar në një sërë grabitjesh në banesa.

Më konkretisht ata kishin një mënyrë krejt tjetër për të vepruar qetësisht, pasi nëpërmjet një spraj narkotizues drogonin të zotët e shtëpisë, në rastet kur i gjenin në banesë, duke bërë që ata të humbnin ndjenjat.

Biba dhe Manjani u arrestuan teksa po ktheheshin në shtëpi me një motor, ku pavarësisht tentativës për t’i shpëtuar policisë u arrestuan.

Në cilësinë e provës materiale iu sekuestruan edhe 2 mijë euro dhe një sërë sendesh të vjedhura në një shtëpi në Vado Ligure, mes tyre edhe tabletë dhe celularë.

Ndërkohë Biba rezulton me precedentë penalë, pasi rreth dhjetë vite më parë ka plagosur me thikë një tjetër shqiptar me emrin Klodian Baftjari.

Ndaj dy të arrestuarve vijojnë ende hetimet, për të zbuluar raste të tjera ku mund të jenë përfshirë.