Ajo ka hit-e të cilat po thyejnë chart-et botërore dhe emri i saj vazhdon e rritet në industrinë e muzikës, si një nga artistet që tashmë ndodhet në nivelet e Beyonce dhe Taylor Swift.

Pasi u zgjodh si artistja më e dëgjuar për vitin 2017 në Britaninë e madhe, Dua Lipa nuk ka ndërmend të ndalojë. Këtë muaj, artistja sapo shpërndau lajmin se ajo është përsëri artistja më e dëgjuar femër në Spotify, falë edhe këngës së saj të re, "Electricity". Këtë lajm ajo e shpërndau në Instagram, duke falenderuar të gjithë fansat e saj anembanë botës, që vazhdojnë ta mbështesin atë.

Për të mos u ndaluar këtu, këngëtarja është gjithashtu e nominuar edhe në kategorinë "New Artist of the Year", tek çmimet muzikore amerikane AMA.

Mund të themi se, Dua Lipa nuk ka ndërmend të ngadalësohet dhe vazhdon ta mbajë lart emrin e të gjithë shqiptarëve, duke qenë një shembull frymëzues edhe për feminizmin në botë, me imazhin që ajo ka krijuar si artiste.