Këngëtarja me origjinë shqiptare ka publikuar në profilin e saj zyrtare në Instagram posterin e një prej festivaleve më të mëdha të muzikës në SHBA, “Lollapalooza”, duke na bërë me dije se edhe ajo vetë do të jetë pjesëmarrëse në këtë event. Në të njëjtën skenë me të pritet të performojnë edhe grupet e njohura si Red Hot Chili Peppers, Radiohead, si dhe këngëtarja e famshme Lana Del Rey. “Po vij në ‘Lollapalooza’ në Chicago! Ejani, të festojmë së bashku”, ka shkruar Dua Lipa teksa ka postuar një foto me listën e plotë të artistëve performues. Siç duket dyert e suksesit për Dua Lipa-n kanë nisur të hapen vetë!