Një fakt të tillë na e kujton vetë vajza e talentuar e Dukagjinit, këngëtarja që me muzikën e saj sot po korr sukses jo vetëm në Angli, por edhe më gjerë. Dua është kthyer në një motiv krenarie për vendin e saj të origjinës pas ngjitjes në klasifikimet britanike për këngën e saj të fundit, hitin “Last Dance”. Thonë që dardha nën dardhë bie dhe artistja 20 vjeçare duket se është mishërimi i kësaj shprehjeje. Por sot nuk bëhet fjalë vetëm për të. Ajo ka bërë publike një foto në të cilën shfaqet vite më parë duke luajtur me babain e saj, për ta uruar këtë të fundit për ditëlindjen e tij. Edhe ne e urojmë me jetë të gjatë që të përjetojë të gjithë sukseset që Dua Lipa pritet të korrë ndër vite.