‘Sunny Hill Festival’ është një nga festivalet më të rëndësishëm në Kosovë, që mbledh në një vend artistët me famë botërore dhe ato shqiptarë. Ky festival pritet të mbahet në datat 2,3 dhe 4 të muajit gusht dhe teksa data e fillimit afron, organizatori i tij, Dukagjin Lipa, ka mbajtur një deklaratë ku ka folur në lidhje me këtë eveniment.

Dukagjini ka thënë se arsyeja e këtij festivali është promovimi i Kosovës dhe sigurisht që bota të njohë artistët e vendit tonë. Ai gjithashtu ka zbuluar se ‘Sunny Hill’ do të jetë gjithmonë në rritje, pasi çdo vit do të sjell disa nga artistët që janë në krye të klasifikimeve botërore. Kujtojmë se pak kohë më parë, Dukagjini dhe Dua Lipa zbuluan se e ftuara speciale këtë vit do të jetë këngëtarja e njohur, Miley Cyrus.