Në portin e Durrësit  është sekuestruar një sasi prej 130 kg kanabis sativa. Droga ishte e vendosur nëpër 100 pako të cilat ishin të fshehura  mes pakove me konfeksione që do të dërgoheshin në Itali. Është bërë arrestimi në flagrancë i drejtuesit të kamionit ku u gjet droga,  Edmod Xhaja 48 vjeç  dhe është shpallur në kërkim pronari i firmës së konfeksioneve i cili dyshoshet të jetë edhe organizatori i trafikimit.

Droga ishte e destinuar  për tu transportuar në Itali.  Lënda narkotike dhe automjeti u sekuestruan në cilësinë e provës materiale. Materialet do ti kalojnë Prokurorisë pranë Gjykatës së Shkallës së Parë për Krimet e Rënda, Tiranë për veprime të mëtejshme, për veprën penale”Trafikimi i lëndëve narkotike” e mbetur në tentativë  parashikuar nga neni 283/a/2 dhe 22 të Kodit Penal.