Një përplasje me armë zjarri ka ndodhur në një lokal në Durrës, në lagjen "13". Si pasojë e këtij shkëmbimi zjarri, një person ka mbetur i plagosur.

Ngjarja ka ndodhur mbrëmjen e sotme, ku sipas policisë, dy personat janë konfliktuar për një borxh të pakthyer në ambientet e lokalit "Rrota e Kuqe". Grindja në fillim ka qenë verbale, por më pas janë ndezur gjakrat dhe njëri prej tyre, borxhliu, ka qëlluar mbi shtetasin H.K., 42 vjeç me pistoletën që kishte me vete. I plagosuri është dërguar në spitalin e Durrësit jashtë rrezikut për jetën ndërsa uniformat blu kanë identifikuar autorin dhe po punojnë për kapjen e tij. Shuma e parave që autori i plagosjes i kishte borxh 42 vjeçarit nuk dihet ende.