Policia e Durrësit ka kryer shoqërimin e një 42 vjeçari nga Shijaku pas një video të publikuar në rrjetet sociale ku dukej teksa tërhiqte të lidhur me litar pas makinës së tij një qen.

“Në lidhje me një video të publikuar në rrjetet sociale, ku një shtetas me mjetin tip Ford me targa DR 7980 D, tërhiqte në pjesën e pasme të mjetit një qen, ju bëjmë me dije se Policia e Durrësit ka bërë të mundur identifikimin dhe shoqërimin për veprime të mëtejshme të shtetasit Kujtim Barjami 42 vjeç, banues më Xhafzotaj, Shijak”, thuhet në një njoftim të policisë.

Më tej policia falënderon qytetarët për reagimin dhe shprehet se materialet i kanë kaluar Prokurorisë.