Adam Sandler dhe Jennifer Aniston do ribashkohen si protagonistë për të na sjellë një film të ri që titullohet “Murder Bystery”, të cilit i është publikuar traileri i parë.
Ky film flet për një çift të martuar, ku burri është një polic në New York dhe ai vendos që të mbajë premtimin e tij prej kohësh për ta dërguar në një udhëtim gruan e tij.
Pas një takimi rastësor në avion me një njeri misterioz, çifti do të gjendet në mesin e një ribashkimi familjar në jahtin e një multimiliardieri të quajtur Malcom Quince.
Kur Quince vritet, në mënyrë të pashmangshme ata bëhen të dyshuarit kryesor. Kjo është një përmbledhje e fabulës së filmit “Murder Mistery”, trailerin mund ta gjeni në videon e mëposhtme.