Një nga aplikacionet më të përdorura, WhatsApp, ka pësuar shumë ndryshime në platformën e tij që nga momenti që është krijuar.

Deri më sot aplikacioni Whatsapp mund të hapej vetëm në kompjuter dhe në asnjë pajisje tjetër, por kompania ka njoftuar se dhe kjo do të marrë fund.

WhatsApp do të zhvillojë një version të aplikacionit i cili do të hapet në tabletë. Krijuesit e këtij aplikacioni shprehen se Whatsapp do të punojë në shumë platforma të ndryshme. Kujtojmë se aplikacioni nuk mund të punonte në dy pajisje të ndryshme elektronike, pasi mbyllej automatikisht në njërën prej tyre.

WhatsApp mund të përdoret në telefon dhe në PC, por versioni i PC kërkon që përdoruesit të kenë telefonat ngjitur, pasi kërkon patjetër një lidhje ‘wireless’.

Ndryshim i ri do të bëjë që përdoruesit të jenë në gjendje të përdorin WhatsApp në pajisje të shumta në të njëjtën kohë pa pasur nevojë që telefonat e tyre të jenë afër, duke e shndërruar atë në një aplikacion të vërtetë multi-funksional të ngjashëm me Messenger.

Brenda kësaj jave krijuesit e aplikacioni kanë lajmëruar për dy ndryshime shumë të rëndësishme.

Tre ditë më parë ata njoftuan se do të bëhet e mundur dhe që Whatsapp Web të punojë dhe kur telefoni juaj të jetë pa lidhje interneti. Këto janë padyshim të dobishme sidomos për një aplikacion komunikimi si WatsApp me 1.5 miliardë përdorues aktivë në mbarë botën.