Gjatë një operacioni të policisë italiane në proovincën e Breshias, janë arrestuar dy shqiptarë të cilëve iu gjet 22 kg kokainë dhe 60 mijë euro.

Mediat italiane raportojnë se vlera e drogës shkonte rreth 2 milionë eurosh.

Gjithçka nisi kur një agjent policie ndaloi një nga shqiptarët të identifikuar me inicialet BF, 26 vjeç, i cili drejtonte një automjet tip “Fiat 500”.

Ai kishte me vete 6 kg kokainë. Pas arrestimit të tij, Policia ushtroi kontroll edhe në banesën ku ai jetonte, ku gjeti edhe 16 kg kokainë të fshehur në lavatriçe.

Më pas u arrestua edhe shoku i tij me inicialet A.A. 25 vjeç, në banesën e të cilit u gjetën dhe eurot.