Big Brother Vip Albania” është një nga programet televizive më të ndjekura të momentit, me një shikueshmëri shumë të lartë. Në vetëm pak kohë, banorët e shtëpisë më të famshme në Shqipëri, fituan zemrat e publikut dhe u kthyen në qendër të vëmendjes mediatike.

Kërkesa e fansave u plotësua, dhe show më i ndjekur i momentit do të shtyjë finalen për datën 18 shkurt. Ky vendim nga disa banorë u mirëprit dhe për disa të tjerë ishte paksa më i vështirë.

Me siguri VIP-at më të përfolur të momentit do të mund t’ju mbajnë para ekranit edhe për rreth një muaj, por duket se do të ketë edhe më tepër dinamikë me hyrjen e disa banorëve të rinj. Ditën e nesërme, më datë 4 janar në shtëpinë më të famshme në Shqipëri do të hyjnë disa banorë të rinj.

Emocionet do të shtohen, debatet do të ndizen dhe ngjarjet do të jenë shumë dinamike. Fansat do të duhet të presin edhe fare pak orë, derisa të zbulojnë se cilët personazhe publike do t’i bashkohen shtëpisë së “Big Brother Vip”!

Iconestyle shkruan se dyshohet për tre banorë të rinj, dy vajza dhe një djalë, të cilët do i bashkohen shtëpisë më të famshme në Shqipëri, por emrat akoma nuk janë zbuluar.