Një tjetër viktimë është shënuar në plazhet shqiptare gjatë këtij sezoni turistik. Një 60 vjeçar është mbytur në plazhin e Durrësit.

Ngjarja ka ndodhur pranë shtëpisë së pushimit të Ministrisë së Brendshme, në zonën e Plepave.

Raportohet se 60-vjeçari është nxjerrë i pajetë nga uji pak minuta më parë. Trupi i pajetë po transportohet drejt morgut, ndërsa nuk dihet ende identiteti.

Kjo është viktima e dytë brenda 24 orëve në plazhin e Durrësit, pasi mëngjesin e sotëm u nxor i pajetë nga ky plazh 31-vjeçari Doland Molla, i zhdukur mesditën e djeshme.