Në autostradën Tiranë-Elbasan është rikthyer qarkullimi normal i mjeteve, pasi është hapur përfundimisht “tuneli” në Mamël i cili nuk është i mbyllur, por i ndërtuar për të mos lejuar rënien e dheut.

Kjo vepër infrastrukturore ka eliminuar përfundimisht jo vetëm rrezikun për përdoruesit e kësaj rruge, por edhe pasojat e krijuara pas rrëshqitjes së shpatit të malit në segmentit Elbasan- Krrabë duke plotësuar kështu kolazhin e të gjitha punimeve, përfshirë edhe atë të veprave të artit për gjatë kësaj rruge.

Puna për eliminimin e rrëshqitjes nisi në Shtator 2018 pas miratimit të projektit teknik nga ARRSH, ndërsa rrëshqitjet ndodhën në fillim të Dhjetorit 2017.