Sipas Lisa Simone Kelly, nuk është aspak e drejtë ajo që fansat apo përfaqësues të familjes së këngëtares së jazz-it po i bëjnë aktores me origjinë domenikane. Diçka të tillë Lisa e ka bërë të ditur në një intervistë të dhënë për Time Magazine, ku ka sqaruar se në të vërtetë faji i takon producentëve të filmit të cilët po japin një imazh të gabuar të nënës së saj. "Nxirja e lëkurës është problemi më i vogël që ka ky film" ka thënë Lisa e indinjuar për subjektin e filmit, i cili ka në fokus një lidhje intime mes Nina Simone dhe menaxherit të saj Clifton Henderson. Një lidhje të cilën Lisa Simone Kelly e ka mohuar duke thënë se Henderson ishte homoseksual. Sa i përket filmit ai pritet të dalë në kinema në muajin prill!