Marsela nga Vlora që u dhunua dhe grushtua në mes të Vlorës nga ish bashkëshorti i saj më në fund do të ketë një strehëz të ngrohtë. Ajo me tre fëmijët e saj do të mund të jetojnë në një banesë të re dhe të ngrohtë, pa lagështi dhe me kushte normale.
Institucionet pas pamjeve të rënda që u publikuan nëpër portlet informative u vunë në lëvizje e brenda dhe për pak kohë vendosën që të akordojnë një fond për Marselën dhe tre të miturit, që të paguajnë një banesë të re me qera.
Bashkia e Vlorës ka menduar dhe për dy fëmijët më të rritur, ata do të nisin ciklin arsimor në shkollën “Marigo Posio”, ndërsa më i vogli vetëm 3-vjeç do të frekuentojë për herë të parë një kopësht edhe shpenzimet për të do të mbulohen nga Bashkia e Vlorës.
Pushteti lokal ka menduar dhe për punësimin e Marselës duke e ndihmuar që të punësohet si sanitare në një shkollë të qytetit.
Po nëna e Marselës nuk është sërisht e qetë. Ajo bën apel që ish dhëndri të ndëshkohet nga gjykata sa meriton për dhunën ndaj së bijës.