Tashmë çdo detaj rreth Prince Harryt përbën lajm. Ajo që u ka bërë përshtypje të gjithëve është byzylyku që ai mban në duar për plot 20 vite. Flitet se Harry e mori atë gjatë udhëtimit të tij në Afrikë në vitin 1997, pas vdekjes së mamasë së tij, Princeshës Diana.

Princi është fotografuar me byzylykun që nga viti 2001 dhe vëllai i tij, Princi William, dihej gjithashtu se mbante një version shumë të ngjashëm në vitet pas vdekjes së Dianës.

‘Unë erdha për herë të parë në Afrikë në vitin 1997, menjëherë pas vdekjes së nënës sime. Babai na tha mua dhe vëllait që të paketonim çantat tona, po shkonim në Afrikë për t’u larguar për pak’, është shprehur ai për një intervistë. William dhe Harry besohet se kanë marrë byzylykët metalikë tradicionalë gjatë asaj kohe.