Një ndër gjërat më interesante që kemi parë tek kënga e fundit e Luanës që erdhi në bashkëpunim me Bujar Qamili “Mi dhe flakë mallit tim” ishte look-u i Luanës i cili ishte shumë i bukur dhe i kuruar në detaje. Modeli i saj i flokëve të kapura gjysma ishte ajo që i dha një nur të papërshkueshëm moderatores së njohur. 

Vetëm para pak ditësh ajo i komentoi Divës së muzikës pop, Beyonce se pse ajo i kishte vjedhur modelin e flokëve. Një koment me shumë sens humori nga Luana. Mesa duket ky model flokësh është bërë i preferuar për të gjitha vajzat bukuroshe anë e mbanë botës. 

Madje vumë re se supermodelja Bella Hadid ka kohë që e ka përqafuar këtë model flokësh dhe mesa duket është i preferuari i saj. Dhe natyrshëm na lindi pyeta; mos ndoshta Luana është frymëzuar nga Bella Hadid për këtë model flokësh? Apo nga Kim Kardashian? 

Gjithsesi kësaj nuk i dihet. Mbase Luana nuk e ka idenë që supermodelja ka kohë që na ka prezantuar me këtë trend. 

Duke parë që Luana, Beyonce dhe Bella Hadid preferojnë këtë model flokësh, jemi të sigurt që do të kthehet në një trend këtë verë. Në fakt ky është një ndër modelet më trendy të kohëve të fundit, pasi Khloe Kardashian dhe vajza të tjera të njohura preferojnë t’i kapin flokët si Luana, apo si Beyonce.