Ai ishte një nga DJ më të mirë në botë dhe me plot gojën e themi që na ka dhuruar shumë hite të cilat do të dëgjohen gjithmonë. Vdekja e tij në moshën 28-vjeçare e shokoi të gjithë botën, familjen, fansat dhe industrinë e muzikës.

Familja e Aviciit ka dhënë një deklaratë mbi planet e tyre rreth funeralit të DJ, i cili mesa duket nuk është varrosur ende.

“Ka pasur shumë kërkesa në lidhje me varrimin e Tim Bergling, nga fansat e muzikës së Aviciit. Familja e tij ka konfirmuar se funerali do të jetë privat në prani të njerëzve që ishin më të afërt me Tim. Ata me mirësi kërkojnë nga mediat ta respektojnë këtë”, u tha në deklaratën të lëshuar nga familja.