5 nxënës nga shkolla 7 Marsi, në Cërrik janë dhunuar fizikisht dhe verbalisht nga mësuesja Fatbardha Shabani. Ata për të denocuar këtë akt të rëndë kanë marrë rrugët dhe i janë drejtuar kryeqytetit dhe medias News 24, duke zgjedhur këtë formë origjinale për ti shpëtuar dhunës së ushtruar nga mësuesja. Për të denoncuar në Tiranë rastin i kanë treguar vetëm mësuese kujdestare dhe morrë një taksi, të cilën ua pagoi kujdestarja e tyre. Nxënësit thonë se edhe prindërit e tyre pak kohë më parë i janë drejtuar me një letër drejtorisë Arsimore dhe drejtoreshës së shkollës.
Mësuese Fatbardha thonë ata i ofendonte sistematikisht dhe i dhunonte, madje kanë raportuar dhe në drejtorinë e shkollës. Duke qënë se mësuesja nuk ka vënë mend e ka vijuar dhunën e ata u detyruan të vijnë në Tiranë ta denoncojnë publikisht, madje dhe pa lejen e prindërve. Nxënësit e dhunuar deklarojnë se mësuesja iu thonte se janë fëmijë mizerie, nuk dinë të sillen dhe të mësojnë dhe më pas i gjuante ose iu shkulte flokët.
Një prej vajzave tregon se: "Sot shkuam në klasë mësuesja e lëndës nuk ishte prezente e mësuese Fatbardha dhe Z. Dinashja na akuzuan që mbanim telefonin dhe po i fotografonim ato. I treguam mësuese Fatbardhës, që nuk kemi asnjë video ose foto. Po ajo na shkuli flokët dhe përdori fjalor shumë të keq".