Mustafa Nano njihet për deklaratat e tij të drejtpërdrejta publike dhe së fundmi ka folur për tekstet e këngëve shqiptare në monologun e tij të fundit në emisionin “Provokacija”. Ai i ka cilësuar këto tekste si “banale” dhe të “shpifura”, duke lexuar disa prej tyre në emision. Një nga këto ishte dhe teksti i këngës “Bye bye” nga Dafina Zeqiri dhe Tayna.

“Edhe femnën unë ta marr, e kom fanse. E shti me bo twerk t’u kcy valle. Mu s’ka hiç ça me m’ardh marre”, ishte pjesa që Nano shkëputi nga kjo këngë e që këndohet nga Tayna.

“Kjo është një vajzë që këndon dhe luan rolin e një lesbikeje. Më saktë shtiret që luan rolin e një lesbikeje”, u shpreh Nano.

“Unë jam i shokuar, i fyer më mirë të më kishin rraf sesa të kisha lexuar tekste të tilla. Përsëris, ta shpifin”, tha analisti.