Reperi Mozzik ka takuar më në fund të bijën, të cilën nuk e shihte prej disa muajsh për shkak të izolimit prej pandemisë së Koronavirusit. Ai ka postuar disa foto shumë të veçanta pranë së bijës.

Në njërën prej tyre Mozik tregon kombinimin që kanë bërë babë e bijë duke veshur të njëjtat atlete. Ndërsa në foton tjetër Hana ndodhet në vaskë duke u larë, ndërsa Mozzik ndodhet pranë saj duke i buzëqeshur.

Pas ndarjes së Mozzik dhe Loredanës, Hana është duke jetuar me këngëtaren të cilën e shohim duke postuar vazhdimisht foto dhe video në të cilat tregon momentet më të bukura me të bijën.

Reperi Mozzik gjatë një interviste për “Klan Kosova”, tha se me Loredanën ka marrë fund dhe nuk ka më kthim mbrapa duke hequr çdo shpresë se mund ti shihnim një ditë sërish bashkë. Por këngëtarja i ka habitur fansat me postimin e fundit, madje shumë prej tyre mendojnë se i dedikohet Mozzik.

Më konkretisht Loredana ka postuar në instagram një video ku shfaqet duke kënduar një këngë që thotë “Më mungon kaq shumë”, frazë që e shkruan edhe në postimin që bën në story.