Jetojmë në një kohë kur rrjetet sociale zënë një pjesë të rëndësishme të ditës sonë dhe ka shumë persona të apasionuar pas modës, të cilët shfaqin idetë dhe dashurinë e tyre për modën në Instagram, Facebook apo edhe në ëebpage-t e tyre personale.

Në vendet e ndryshme të botës ka mjaft blogere të famshme të cilat pjesën më të madhe të ditës së tyre e shfaqin nëpër mediat sociale dhe të impresionuar nga këto blogere të huaja, shumë vajza shqiptare i janë futur kësaj “bote” dhe në profilet personale postojnë për modën, këshilla rreth modës dhe stilin e tyre të jetesës.

Dy nga blogeret më të njohura shqiptare janë Lori Hoxha dhe Armina Mevlani, rrjetet sociale të së cilave janë të tejmbushura me foto që kanë lidhje me modën apo stilin e jetesë. Por nëse në botë ndodh që blogeret të “urrejnë” njëra-tjetrën, me Arminën dhe me Lorin nuk ndodh kështu.

Armina ka postuar dy fotografi në profilin e saj në “Instagram” ku duket me të vërtetë shumë bukur dhe ne të intv.al na bëri përshtypje komenti i Lori Hoxhës.

Trashëgimtarja e Top Channel ka komentuar “Një yll” në foton e Arminës si për të na treguar që e mbështesin punën e njëra-tjetrës dhe nuk ka aspak ndjenjë rivaliteti mes tyre.