Prej disa ditësh Adelina Tahiri ka nisur pushimet dhe duket se po i shijon shumë duke postuar vazhdimisht foto e video teksa pozon me rrobabanje.

Në fotot e fundit këngëtarja duket në super formë e veshur me rroba banjo blu, mirëpo ndjekësve të saj në Instaram i kanë mbetur sytë diku tjetër.

"Seriozisht e ke me ktë ngjyr trupi të kuqerremtë dhe me sqetlla pa rruar o motër. ike ti nga fshati po fshati nuk iku kurrë nga ty...dukesh si zhulse komplet. Hë bë njerëzit block tani se doni vetëm lavdërime. Me trup e ftyr me puçrra akoma dhe në 2020. zhulse komplet."

Ndërsa një tjetër e kritikon Adelinën për faktin që ka vendosur bizhuteri në plazh.

Nuk do shumë mend të kuptosh që më tepër se sa detaje për pamjen e saj, sot "edhe pse në 2020", paragjykimet dhe bullizimi online shërbejnë si shfryrje ndaj realitetit dhe sigurisht ata që targetohen janë VIP-at. 

Edhe pse në 2020 jemi ende të pavendosur se çfarë na pëlqen, natyraliteti apo operacionet plastike, pasi në fund të ditës i gjykojmë të dyja, si ato personazhe të showbizz-it të cilët me anë të operacioneve përpiqen të fshehin "defektet", e madje i gjykojmë dhe për gjëra aq natyrale sa puçrrat, apo qimet në sqetulla, të cilat si çdo gjë tjetër në trupin tonë janë pjesë biologjike e jona e megjithatë i përdorim si mjete bullizimi e ofendimi.