Prej kohësh e prisnim me padurim bashkëpunimin e motrave Istrefi dhe më në fund Nora dhe Era sollën "Nuk e di" së bashku me një videoklip mjaft origjinal dhe si asgjë tjetër nga ato që kemi parë deri më tani në klipet e këngëve shqiptare. E teksa lajmi se Nora dhe Era do të vinin me këtë bashkëpunim kishte kohë që qarkullonte në media, mund të themi se ky klip mori një kohë të konsiderueshme derisa u publikua.
Nora dhe Era u shfaqën shumë të bukura dhe sensuale në klip, të cilat tërhoqën vëmëndjen e të gjithëve me levizjet e tyre.

Një detaj tjetër mjaft intereant i klipit ‘Nuk e di’ ishte macja ngjyrë gri që shoqëronte Nora Istrefin, e cila i kombinohej edhe me ngjyrën e veshjes së saj. Macja e përfshirë në videoklip është e racës ‘Ashera’ dhe konsiderohet si macja më e shtrenjtë në botë. Raca ‘Ashera’ është në krye të renditjes së racave të maceve luksoze dhe me një çmim që varion mes 20,000 dollarë dhe 100,000 dollarë.