Edhe pse Marina Vjollca është larguar nga Top Channel, ajo nuk mund të mos ftonte në dasmën e saj, familjen Hoxha nga të cilët ishin të pranishëm Lori, Sara, Ledioni dhe Vjollca Hoxha. Sado e bukur të dukesh, në fund je e sharë, është ajo shpreja tipike shqiptare. Dhe kjo i ka ndodhur pikërisht Lorit. Veshja e saj me një fustan të zi elegant, i hapur te shpatullat dhe i gjatë deri në fund të këmbëve por në një pjesë transparent, nuk u ka pëlqyer disa portaleve, prej ngjyrës së zezë. Por kjo e ka bezdisur Lorin dhe menjëherë ka bërë një kërkim në “Google” duke shkruar "A mund të vishet ngjyra e zezë në dasmë" e në rezultat del se e zeza është gjithmonë një opsion që s’të lë në baltë.

Duke u nisur nga kjo, Lori ka reaguar ashpër në Instastory ku shkruan "Ju lutem mos më etiketoni në lajmet tuaja fallco. Janë të mërzitshme, ofenduese dhe sinqerisht pa lidhje".