Netta Barzilai është fituesja e Eurovision 2018 që u mbajt në Lisbonë të Portugalisë. Ajo kunkuroi me këngën “Toy”, të cilën e këndoi e vetme dhe çoi në Izrael kupën e Eurovision. Edhe pse triumfoi, shumë persona në rrjetet sociale ishin kundër vendimit që Netta të fitonte finalen e madhe dhe këtë e pasqyruan me anë të komenteve të shumtë, madje duke e krahasuar me një “pulë”. Por Netta ka thënë se kënga ka një mesazh të rëndësishëm. Zgjimi i fuqisë femërore dhe drejtësisë shoqërore, i mbështjellë me vibrime të lumtura dhe shumëngjyrëshe përçohet gjatë gjithë këngës”.

Mirëpo edhe pse shumë mund ta kenë ofenduar, Netta ishte një nga pretendentet për të fituar në Lisbonë dhe kështu ndodhi. Por diçka interesante ka ndodhur në Instagramin e saj, pasi në momentin kur u shpall fituese, ajo numëronte rreth 178 mijë ndjekës në Instagram, ndërkohë që tani ka mbi 342 mijë, pra 164 mijë ndjekës më shumë për 2 ditë. Janë goxha shumë!