Fitues është shpallur Ilia Stefo i koalicionit Aleanca për Shqipërinë Europiane, i cili ka mundur kandidatin e djathtë Dritan Hajro me mbi 2 mijë vota më shumë se ai. Ishte Komisioni qëndror i zgjedhjeve i cili bëri publik rezultatin nëpërmjet një deklarate për mediat. KQZ bëri me dije se “Ilia Stefo ka marrë 62.9% të votave, Dritan Hajro 37.1%. Kandidati i ASHE, Stefo ka marrë më shumë vota. Presim të marrim materialet zgjedhore nga KZAZ Nr.73”. Fitorja në bashkinë e Kolonjës nuk ka kaluar pa vëmendjen e kryeministrit Rama i cili e ka përshëndetur atë nëpërmjet një postimi në Facebook.