Boksieri britanik Anthony Joshua konfirmohet kampion i botës në peshën e rëndë, pas fitores me “KO” në raundin e shtatë ndaj rusit Alexander Povetkin, duel që u zhvillua në stadiumin “Wembley” të Londrës. Joshua korri suksesin e 22-të në karrierë, duke qëndruar i pamposhtur dhe mbrojti titujt kampionë në kategoritë IBF, WBO e WBA, ndërsa për rusin kjo ishte humbja e dytë në karrierë, ku numëron edhe 34 fitore. Suksesi nuk ishte aspak i lehtë për boksierin britanik, pavarësisht se e fitoi sfidën me “KO”, pasi rivali rus i bëri një start të mirë duelit, duke e dominuar atë në dy raundet e parë, madje duke e vënë në vështirësi Joshua. Por pjesa tjetër e ndeshjes i takoi Joshua i cili e mundi me KO në raudin e 7. Me këtë fitore, Joshua do t’i marrë plot 22 milionë euro, ndërsa Povetkini do t’i përfitojë 6.5 milionë euro.