Mund ta quajmë e mërkura e “zëzë” këtë të sotmen. Ngjarje që kanë tonditur opinionin publik janë shënuar që në orët e para të ditës së sotme. Ndërsa në Vlorë xhaxhai me të meta mendore i preu kokën nipit vetëm 12 vjeçar, një tjetër ngjarje e rëndë është shënuar në Dukagjin.
Një person ka qëlluar me armë zjarri vëllain dhe kunatën e tij duke i plagosur rëndë në Dukagjin. Burime nga policia kanë bërë të ditur se kemi të bëjmë me një krim në familje, ku vëllai ka plagosur me armë zjarri vëllanë dhe më pas edhe kunatën.
Momentalisht flitet se burrë e grua janë të plagosur në  këmbë dhe janë jashtë rrezikut për jetën. Ngjarja u regjistrua në fshatin Musha te Bregu i Lumit, zonë e thellë malore.

Autori Lekë Balza ka qëlluar mbi të vëllanë Kolë Balza dhe gruan e tij.
Rrethanat e ngjarjes janë ende të paqarta, ndërsa forca të shumta policore kanë mbërritur në vendin e ngjarje dhe po punojnë për zbardhjen e saj.