Në TikTok dhe rrjetet e tjera sociale qarkullojnë video nga daljet e fundit publike të Sara Hoxhës, si në televizion, ashtu edhe në platformat online, ku shfaqet jo shumë e qeshur si më parë, pra me pak fjalë e mërzitur. Por cila është arsyeja për këtë? Disa fansa thonë është Ledri, sidomos pas faktit që mbrëmë reperi (për arsyet e tij) nuk ishte pranë partneres në premierën e "Në Kuadër të Dashurisë" ose për shkak të gjithë "dramës" me Dafinën e të tjerët.
Gjithsesi, e vërteta është larg kësaj. Arsyeja pse Sara shfaqet e ndryshuar në pamje është fakti që ka bërë një ndërhyje në fytyrën e saj. Këtë e pranon vetë fituesja e "DWTS 1", me anë të një video-je sqaruese në Instagram, ku po ashtu tregon edhe llojin e ndërhyrjes esketike. Bëhet fjalë për botox, në zonën e "gummy smile", për të fshehur me pak fjalë mishrat e dhëmbëve kur buzëqesh.
Sara thotë se kjo nuk i ndodh më dhe është mjaft e lumtur, por pamja i ka ndryshuar sepse është ende e fryrë në atë zonë, madje edhe familja "e tall" për këtë ndryshim.
Të paktën nuk kemi të bëjmë me më shumë "Drama" dhe kjo është ajo që ka rëndësi!
22 Sep 2024 
