T’ju themi që Megi Pojani është në një lidhje me Endri Çekiçin kjo nuk është diçka e re. Por, burime për “Iconstyle” kanë siguruar së fundmi disa foto ekskluzive të çiftit në kryeqytet. Megi dhe Endri duket se kanë vendosur të mos shqetësohen më për daljet e tyre në publike e të shijonë të qetë raportin mes tyre.
Deri më sot detaje të ndryshme nisur nga ashensori, restorantet e njëjta apo edhe veshjet e futbollistit të përdorura nga Megi kanë dëshmuar se dyshja janë në një lidhje me njëri-tjetrin që prej një viti.
Madje Megi udhëtoi drejt Turqisë për të parë skuadrën e tij Konyaspor-in në derbi ndaj Galatasaray-t. Në këtë ndeshje Endri shënoi golin e barazimit të cilin ia dedikoi partneres së tij, e cila ndodhej e ulur në rresht të parë në përkrahje të tij.
E tani jemi në pritje të një konfirmimi nga ana e dyshes.