Fotografia që po shihni është e rrallë nga fëmijëria e njërit prej reperëve më të njohur shqiptar.

Bëhet fjalër për MC Kreshën, emri i vërtetë i të cilit është Kreshnik Fazliu.

Djaloshi nga qyteti i Mitrovicës, i cili u lind me 5 shtator të vitit 1984, sot radhitet në mesin e artistëve më të njohur dhe të pëlqyer të rep skenës shqiptare.

Një nga herat e para kur u ngjit në skenë dhe publiku shqiptar u njoh me të është viti 2008, në festivalin Top Fest ku mori pjesë me këngën ‘’n’Ks’’.

Që nga ajo kohë Kresha shënon një numër të madh të hiteve solo dhe bashkëpunime.

‘’Criminal Immigrant’’ mban titullin projekti i fundit i publikuar në bashkëpunim me Lyrical Son ndërsa në një nga daljet e fundit televizive, Mc Kresha ka paralajmëruar se do të shkëputet nga muzika dhe në të ardhmën veten e sheh si trener futbolli.

Sa i përket jetës private Kresha është baba i vajzës me emrin IZA, e cila erdhi në jetë nga martesa e tij me Erzinën, vajzën me të cilën artisti kurorëzoi dashurinë me martesë në dhjetor të vitit 2019.