Aktualisht Ermali karrierën e tij e ushtron në Itali, ku po korr një sukses të jashtëzakonshëm. Përveç fansave të shumtë në Itali ai ka tërhequr edhe vëmendjen e figurave të njohura italiane.

Dy aktorët Pio D’Antini dhe Amedeo Grieco, gjatë finales së spektaklit “Amici” kanë bërë për Ermal Metën një batutë me tone raciste, duke përmendur origjinën e tij.

“Erdhe me gomone nga Shqipëria dhe të shpëtuam ne puliezët, tani je në gjueti për para!”- thanë ata.

Ata gjithashtu i bënë edhe një apel Ministrit të Brendshëm, Matteo Salvini, duke ju referuar shqiptarëve.

“E shikon që këta djem janë të talentuar, hajde tani, le ti mbajmë".