Ylli i skuadrës të Argjentinës Lionel Messi, pas disfatës së djeshme me Kilin në Kupën e Amerikës, finalja e tretë radhasi e humbur me kombëtaren (përfshirë një Kupë Bote edhe një tjetër Kupë Amerike po me Kilin), ka deklaruar se "kjo" nuk bën për të dhe do të largohet nga kombëtarja e vendit të tij. Një rast i paprecedent kjo që një lojtar i atij kalibri dhe performance të deklarojë tërheqjen nga kombëtarja kaq shpejt në karrierën e tij vetëm 28 vjeç.

Për kronikë, Argjentina e humbi nga 11 metërshave këtë kupë, teksa vetë Lionel Messi humbi njërën prej tyre mes zhgënjimit kolosal. Tashmë Argjentina duhet të mendojë një sipërmarrje se si ta zëvendësojë yllin e saj në kupën e botës e cila zhvillohet vetëm pas dy vitesh. Një histori e mbyllur jo me fund të lumtur kjo mes "Pleshtit" dhe bardhekaltërve.