Loredana dhe Mozzik, padiskutim mbeten ndër çiftet më të suksesshëm dhe më të përfolura në showbizz-in shqiptar dhe të huaj sidomos pas akuzave të zhvatjes së parave nga një çift zviceran.

Disa muaj më parë ata u bënë prindër të një vajze që e pagëzuan me emrin Hana.

Por, siç duket çifti kanë pasur probleme me njëri-tjetrin.Ditën e djeshme, burime pranë çiftit kanë treguar për “Prive” se mes tyre ka një ftohje. Këtë gjë e kanë vendosur re edhe fansat e tyre pasi si rrallëherë Mozzik ka munguar në xhirimet e Loredanës dhe këngëtarit turko-gjerman Mero.

Po ashtu, ata prej kohësh nuk janë parë më bashkë dhe nuk kanë publikuar asnjë foto ose video së bashku.

Lidhur me këto lajme as Loredana dhe as Mozzik nuk kanë folur deri tani, por reperja ka reaguar duke postuar disa foto ku shfaqet me bashkëpunëtorët e saj në studio, por siç shihet Mozzik përsëri mungon.

Edhe Mozzik prej disa ditësh nuk ka publikuar në Instagram asnjë postim duke ngritur kështu më shumë aludimet për probleme mes tyre.